ក្នុងនាមជាស្រី្តម្នាក់ ដែលចាស់ៗ បុរាណតែងតែគិតថា ជាមនុស្សដែលទន់ខ្សោយ ហើយមិនអាចធ្វើការងារអ្វីបានច្រើនដូចជាបុរសបានទេ។

រាជរដ្ឋាភិបាលនៃព្រះរាជាណាចក្រកម្ពុជាបានចាត់ទុកស្ត្រីគឺ ជាឆ្អឹងខ្នងសេដ្ឋកិច្ចជាតិមួយដ៏សំខាន់ និងមិនអាចខ្វះបាន។ បច្ចុប្បន្ននេះមានកិច្ចការធំៗ ជាច្រើនដែលស្ត្រីបានចូលរួមការអភិវឌ្ឍយ៉ាងសកម្ម ហើយស្ត្រីក៏បានក្លាយជាមេដឹកនាំក្នុងវិស័យ​មួយចំនួនទៀតផងដែល។

ដូចពាក្យចាស់ពោលថា សំណាបយោងដី ស្រីយោងប្រុស ដែលនេះបានឆ្លុះបញ្ចាំងឱ្យឃើញថា ទោះបីជាកិច្ចការ ធំឬតូចក្តីស្ត្រីគឺជាដៃគូនៃការងារអភិវឌ្ឍសំខាន់ជានិច្ច។

ជាក់ស្តែង ក្រុមហ៊ុន​ លី លី ហ៊្វូដ អ៊ិនដាសទ្រី ខូ អិលធីឌី (ផលិតនំស្រួយ លី​ លី) ដ៏ល្បីឈ្មោះទាំងក្នុងនិងក្រៅប្រទេសផងនោះ គឺបង្កើតឡើងនិងគ្រប់គ្រងដោយសហគ្រិនវ័យក្មេងម្នាក់ គឺ លោក​ជំទាវ ​ឧកញ៉ា កែវ មុំ

ដែល​ជាប្រធានសមាគមសហគ្រិនស្ត្រីកម្ពុជា និងជាអនុប្រធានក្រុមទីប្រឹក្សានៃសម្ព័ន្ធគ្រូពេទ្យសហភាពសហព័ន្ធយុវជនកម្ពុជា ដែលទើបតែមានអាយុ ៤៣ ឆ្នាំប៉ុណ្ណោះ។

នៅក្នុងជំនួបនៃកិច្ចសម្ភាសន៍ជាមួយអ្នកសារព័ត៌មាន (ទស្សនាវដី្ត) លោក​ជំទាវ​ ឧកញ៉ា កែវ មុំ បាននិយាយថា៖ ជោគជ័យរបស់ ក្រុមហ៊ុន លី​ លី គឺជាមោទនភាពដ៏ធំធេងដោយបានអភិវឌ្ឍខ្លួនឯងឱ្យក្លាយជាសហគ្រិនស្រីមា្នក់ដែលទទួលបានជោគជ័យ និងមានការទទួយស្គាល់ទាំងថ្នាក់ជាតិនិងអត្តរជាតិ។

ទម្រាំទទួលបានលទ្ធផលដ៏ត្រចះត្រចង់ដូចសព្វថ្ងៃនេះ លោក​ជំទាវ​ ឧកញ៉ា កែវ មុំ បានលះបង់ពេលវេលានៃជីវិតរបស់ខ្លួនក្នុងការបង្កើតក្រុមហ៊ុន លី លី ឬអាចនិយាយបានថាជាការកសាងឯករាជ្យខាងសេដ្ឋកិច្ចសម្រាប់តំណាងឱ្យស្ត្រីកម្ពុជាទូទៅនៅក្នុងការងារដែលមានដំណើរការវែងឆ្ងាយ។ តែលទ្ធផលដែលទទួលបានគឺវា សមទៅនឹងការចំណាយកម្លាំងកាយចិត្តរបស់លោក​ជំទាវ​ឧកញ៉ា កែវ មុំ ដែលត្រូវបានគេទទួលស្គាល់ថាជាម្ចាស់និងជានាយិការនៃក្រុមហ៊ុន លី លី ដ៏ល្បីឈ្មោះមួយរូបនៅកម្ពុជា។ មិនត្រឹមតែប៉ុណោះក្នុងនាមជាសហគ្រិនស្ត្រីវ័យក្មេងមួយរូបដែលជាស្ថាបនិករបស់ក្រុមហ៊ុនបានតស៊ូពុះពារគ្រប់ឧបសគ្គអស់រយៈ ពេលជាង១៥ឆ្នាំហើយដែលក្រុមហ៊ុនបាននាំយកនូវគំនិតផ្លាស់ប្តូរថ្មីៗក្នុងការផលិតនំស្រួយដែលជាផលិតផលរបស់ខ្មែរ។

សហគ្រិនឆ្នើម ដែលមិនមានសញ្ញាប័ត្រខ្ពស់ តែមានបទពិសោធន៍ច្រើន

ខាងក្រោមនេះ គឺជាខ្លឹមសារនៃកិច្ចសម្ភាសន៍ផ្ទាល់រវាងអ្នកសាព័ត៌មានជាមួយលោក​ជំទាវ ​ឧកញ៉ា កែវ មុំ នាយិកាក្រុមហ្រ៊ុន លី​​​​​​​​ លី ហ៊្វូដ អ៊ិនដាសទ្រីខូ អិលធីឌី (ផលិតនំស្រួយ លី​ លី) លោក​ជំទាវ​ ឧកញ៉ា កែវ មុំ មានអាយុ ៤៣ ឆ្នាំ មានឪពុកម្តាយជាអ្នក ខេត្តតាកែវ ហើយត្រូវខ្មែរក្រហមជម្លៀសទៅនៅស្រុកបរសេដ្ឋ ខេត្តកំពង់ស្ពឺដែលជាស្រុកកំណើត ហើយក្រោយពីបញ្ចប់របបខ្មែរក្រហមក្រុមគ្រួសារបស់លោក​ជំទាវ​ បានមករស់នៅ រាជធានីភ្នំពេញដោយប្រកបរបរលក់ដូរ ព្រោះបានបញ្ចប់ការសិក្សាត្រឹមថ្នាក់បឋមភូមិប៉ុណ្ណោះ។

លោក​ជំទាវ​ ឧកញ៉ា កែវ មុំ បានឱ្យដឹងទៀតថាការចាប់ផ្តើមអាជីវកម្មផ្ទាល់ខ្លួនពីសិប្បកម្មខ្នាតតូចមានដើមទុនតិច និងមានបុគ្គលិកកម្មករប្រមាណ ២០នាក់ប៉ុណ្ណោះ តែបច្ចុប្បន្ន នេះសិប្បកម្មបានប្រែក្លាយជាឧស្សាហកម្ម ផលិតនំស្រួយមួយដ៏ ធំ និងមានបុគ្គលិកកម្មកររហូតដល់ ២៦០នាក់ និងផលិតនំស្រួយចំនួន ២៦មុខដែលមាន ១៧រសជាតិ។ ក្រុមហ៊ុន លី លី បានបង្កើតឡើងកាលពីឆ្នាំ២០០២ រហូតដល់បច្ចុប្បន្ននេះ ក្រៅពីបង្កើតមុខជំនួញដើម្បីស្វែងរកផលចំណេញ និងជួយបង្កើតកំណើនសេដ្ឋកិច្ចជាតិតាមរយៈការបង់ពន្ធជូនរដ្ឋ និងផ្តល់ការងារជូន ប្រជាពលរដ្ឋកម្ពុជាយើង ហើយក្រុមហ៊ុនក៏បានចូលរួមបេសកកម្មមនុស្ស ធម៌ ជាច្រើនផ្សេងៗ ទៀតផងដែរ។

លោកជំទាវ ឧកញ៉ា កែវ មុំ ក្លាយជានាយិកាក្រុមហ៊ុន លី លី និងបានក្លាយជាសហគ្រិនស្ត្រីល្បីវ័យក្មេងម្នាក់ មិនមែនជារឿងចៃដន្យ ហើយក៏មិនមែនជារឿងសំណាងនោះដែរ អ្វីៗគឺកើតចេញពីការខិតខំប្រឹងប្រែងតស៊ូពុះពារគ្រប់ឧបសគ្គរបស់លោកជំទាវ ឧកញ៉ា កែវ​ មុំ ផ្ទាល់អស់រយៈពេលជាង ១ ទសវត្សរ៍។ ប៉ុន្តែកត្តាដែលជំរុញឳ្យលោកជំទាវ ឧកញ៉ា កែវ​ មុំ ខិតខំតស៊ូ រហូតបានសម្រេចនេះ គឺដោយសារតែពាក្យសម្តីរបស់ថៅកែវជនជាតិសិង្ហបុរីមួយរូបដែលបាននិយាយថាមានផលិតផលផ្តាច់មុខមួយទេដែលអាចធ្វើឱ្យយើងក្លាយជាអ្នកមានបាន។

លោកជំទាវ ឧកញ៉ា កែវ​ មុំ បា្រប់ឱ្យដឹងថា៖ ការចាប់ផ្តើមអាជីវកម្មបានផ្តើមចេញពីជីវិតជាបុគ្គលិតបម្រើការនៅក្រុមហ៊ុនមួយដែលមានថៅកែជាជនជាតិសិង្ហបុរី ក្រុមហ៊ុននោះបាននាំចូលនូវផលិតផលពីប្រទេសជិតខាង ដូចជាស្រាបៀរ នំធុង និងភេសជ្ជៈ ទឹកផ្លែឈើផ្សេងៗ។ ប៉ុន្តែដោយសារការនៅចងចាំទ្រឹស្តីរបស់ថៅកែជនជាតិសិង្ហបុរីដែលបាននិយាយថា៖ «បើចង់មានបានត្រូវមានផលិតផលរបស់ខ្លួនឯងមួយផ្តាច់មុខហើយបើយើងរកអ្វីមួយផ្តាច់មុខតែម្នាក់ឯងមិនថាជាផលិតផលអ្វីទេវាក៏អាចធ្វើឳ្យយើង ក្លាយទៅជាអ្នកមានបានដែរ»។ទ្រឹស្តីនេះក៏បានដក់ជាប់នៅក្នុងចិត្តរបស់លោកជំទាវតាំងពីពេលនោះមកចេះតែគិតទុកក្នុងចិត្តជានិច្ចបន្ទាប់ពីរៀបការរួចពេលវេលា ចេះតែកន្លងផុតទៅរហូតដល់ថ្ងៃមួយត្រូវបានក្រុមហ៊ុនប្រគល់តួនាទីជាអ្នកលក់ផលិតផលឱ្យក្រុមហ៊ុនពេលនោះហើយដែលលោកជំទាវ មានឱកាសរៀនពីរបៀបគ្រប់គ្រងអាជីវកម្មនិងរៀនពីរបៀបគ្រប់គ្រងបុគ្គលិក។

លោកជំទាវ ឧកញ៉ា កែវ​ មុំ ក៏បានចាប់ផ្តើមសង្កេតមើលអាជីវកម្ម និងតាំងចិត្តបើកអាជីវកម្មផ្ទាល់ខ្លួន ដោយគិតថា៖ បើយើងបានចាប់ផ្តើមផលិតនៅក្នុងស្រុកគឺយើងបានចំណេញថ្លៃដឹកជញ្ជូន,ចំណែកវត្ថុធាតុដើមក៏ងាយស្រួលក្នុងការស្វែងរកដោយមានពោតនិងអង្ករជាផលិតផលរបស់ខ្មែរដ៏មាន សក្តានុពលហើយមានតម្លៃថោកនិងមានគុណភាពល្អទៀតថាបើមានគំនិតនៅក្នុងចិត្តគឺបានបណ្តុះនូវអ្វីៗដែលមានក្នុងថ្ងៃនេះព្រោះវាជាមេពូជដ៏ មានសក្តានុពលបំផុតសម្រាប់បណ្តុះការតាំងចិត្តនិងការព្យាយាមឱ្យដើរទៅរកមធ្យាបាយដែលខ្លួនចង់បាននិងកំណត់ទុកគោលការណ៍តម្លៃ ៤យ៉ាង ,រសជាតិ ,គុណភាព ,អនាម័យ ,តម្លៃ និងធ្វើឱ្យក្រុមហ៊ុនទទួលបានជោគជ័យយ៉ាងត្រចះត្រចង់។

Lyly Food Industry office in Phnom Penh.

យើងត្រូវតែបង្កើតឱកាសឲ្យខ្លួនឯង៖

ក្រុមហ៊ុនផលិតនំស្រួយ លី លី ទទួលបានពានរង្វាន់ជាច្រើនដូចជា ពានរង្វាន់ «មាសឧស្សាហកម្មបៃតង» ក្នុងឆ្នាំ២០១៣ គឺជាពានរង្វាន់នៃការកាត់បន្ថយនូវការបំពុលបរិស្ថានធ្វើយ៉ាងណាឱ្យផលិតផល និងទីកន្លែងមានផាសុកភាពល្អ ការបំភាយឧស្ម័ពីការផលិតធ្វើឱ្យកាត់បន្ថយការប៉ះពាល់និងការបំពុលបរិស្ថាន។ វាគឺជាការពាក់ព័ន្ធទៅនឹងទីកន្លែងផលិត និងស្តង់ដារអនាម័យនៃកាកសំណល់ឧស្សាហកម្ម។

ក្រុមហ៊ុនផលិតនំស្រួយ លី លី ជាសហគ្រាសខ្មែរដំបូងដែលត្រូវបានទទួលស្គាល់ដោយ វិញ្ញាបនបត្រ ISO 20001-2011 ដែលមានលក្ខណៈជាអន្តរជាតិ។ ចំពោះសង្វាក់ផលិតកម្មក៏បានចូលរួមចំណែកទប់ស្កាត់ និងកាត់បន្ថយការបំភាយឧស្ម័នពុលទៅក្នុងបរិយាកាសដែលនាំឱ្យកើតមានបម្រែបម្រួអាកាសធាតុដែលជាបញ្ហាកង្វល់មួយ សម្រាប់ពិភពលោកនាពេលបច្ចុប្បន្ននេះ។

ក្រុមហ៊ុនអាចឈរជើងបាននិងទទួលបានពានរង្វាន់ «ឧស្សាហកម្មបៃតង» គឺដោយសារក្រុមហ៊ុនរក្សាបាននូវតម្លៃជាក់លាក់មួយដែលផ្តោតទៅលើ ៤ចំណុចគឺរសជាតិ គុណភាណ អនាម័យ និងតម្លៃ។

លោកជំទាវ ឧកញ៉ា កែវ​ មុំ បានបព្ជាក់ថា៖ សម្រាប់រសជាតិ គឺនំស្រួយ លី លី របស់ខ្ញុំមានរសជាតិឆ្ងាញ់ ដោយសារតែក្រុមហ៊្រុនយើងប្រើប្រាស់អង្ករផ្កាម្លិះរបស់ខ្មែរដែលជាអង្ករទទួលបានពានរង្វាន់ ៣ឆ្នាំជាប់គ្នាជាប្រភេទអង្ករឆ្ងាញ់ជាងគេលើពិភពលោក។ ទាក់ទងនឹងរសជាតិនេះក្រុមហ៊ុនផលិតនំស្រួយ លី លី ទទួលបានមេដាយមាសកម្រិតផ្កាយមាស ២លើផ្នែករសជាតិ និងគុណភាពពីវិទ្យាស្ថានវាយតម្លៃគុណភាពអន្តរជាតិ (ITQI)  កាលពីថ្ងៃទី ៥ ខែមិថុនា ឆ្នាំ២០១៤ នៅប្រទេសបែលហ្សិកបន្ទាប់ពីគេបានយកនំលីលីនេះទៅធ្វើការពិសោធន៍។ ក្រៅពីនេះក្រុមហ៊ុនថែមទាំងទទួល បានពាន់រង្វាន់ ​ ស ៥ (សម្រិតសម្រាំងសណ្តាប់ធ្នាប់ សម្អាត ស្តង់ដា និង ស្ថិតស្ថេរ) ដែលជាស្តង់ដារបស់ជប៉ុនទៀតផង។

ចំពោះបញ្ហាអនាម័យក្រុមហ៊ុនមានទីកន្លែងស្អាតមានអនាម័យខ្ពស់ទាំងកន្លែងផលិតនិងការរក្សាទុកផលិតផល។ ផ្តោតទៅលើអនាម័យ ក្រុមហ៊ុនបានទទួលពានរង្វាន់មាសបៃតង ដែលពានរង្វាន់នេះផ្តោតសំខាន់ទៅលើបរិស្ថាន និងការកាត់បន្ថយភាពខ្ជះខ្ជាយ។ បើនិយាយអំពីតម្លៃវិញ ក្រុមហ៊ុនមិនបានកំណត់តម្លៃខ្ពស់នោះទេ ហើយបានប្រើប្រាស់ធាតុផ្សំល្អៗ ដោយយកចំណេញតែបន្តិចបន្តូចប៉ុណ្ណោះទើបអាចប្រកួតប្រជែងទីផ្សារក្នុងស្រុកបានហើយឈានទៅដល់ការនាំចេញ ទៅទីផ្សារបរទេស។

Expert and staff during training that is taking place on factory floor.

លទ្ធផលដែលទទួលបាន គឺជាមោទនភាពដ៏មានតម្លៃបំផុត

បន្ថែមលើពានរង្វាន់ពីរខាងលើ ក្រុមហ៊ុនក៏ទទួលបានពានរង្វាន់ជាសហគ្រាសឆ្នើមចំនួនពីរទៀតពីស្ថាម័នយូរ៉ុបម៊ីស្ស៊ីនីស អាស្សឹមប្ល៊ី (Europe Business Assembly) គឺពានរង្វាន់ អ្នកគ្រប់គ្រងប្រចាំឆ្នាំ និងសហគ្រាសល្អបំផុត ដែលប្រគល់ដោយ ប្រទេសអង់គ្លេសកាលពីថ្ងៃទី២១ ខែមេសា ឆ្នាំ២០១៥ នៅទី ក្រុងឡុងដ៏។ យោងតាមគេហទំព័រ និងតាមបទសម្ភាសន៍ផ្ទាល់ លោកជំទាវ ឧកញ៉ា កែវ​ មុំ ដែលជាម្ចាស់ក្រុមហ៊ុន លី លី ផលិតនំស្រួយ នៅកម្ពុជាបានបង្ហាញនូវភាពរីករាយដោយបានបញ្ជាក់ថា៖ ខ្ញុំមានមោទនភាពយ៉ាងខ្លាំងដែលក្រុមហ៊ុន លី លី ទទួលបានពានរង្វាន់ សហគ្រាសល្អបំផុត «ក្នុងនាមខ្ញុំជាម្ចាស់ក្រុមហ៊ុនមានមោទនភាពណាស់ ដោយទទួលបានពានរង្វាន់ អ្នកគ្រប់គ្រងប្រចាំឆ្នាំ ពីប្រទេសអង់គ្លេស» ។ ពានរង្វាន់នេះបញ្ជាក់ថា លោកជំទាវ ឧកញ៉ា កែវ​ មុំ ជាមនុស្សដ៏ឆ្នើមម្នាក់ក្នុងចំណោមអ្នកក្រប់គ្រងក្រុមហ៊ុនល្បីៗ ៤០រូបមកពី ៣២ ប្រទេសលើពិភពលោកដែលបានទទួលពានរង្វាន់លំដាប់កំពូលនេះ។

លោកជំទាវ ឧកញ៉ា កែវ​ មុំ បញ្ជាក់ពីទឹកចិត្តក្នុងការទទួលពានរង្វាន់នេះថា៖  ក្រុមហ៊ុនលីលីត្រូវបានជ្រើសរើសឱ្យទទួលពានរង្វាន់សហគ្រាសល្អបំផុតដោយយោងលើកត្តាមួយចំនួនដូចជាក្រុមហ៊ុនដែលបានចុះ បញ្ជីកម្មសិទ្ធិបញ្ញាត្រឹមត្រូវមានការពង្រីកអាជីវកម្មពីខ្នាតតូចរហូតដល់ខ្នាតធំប្រកបដោយនិរន្តរភាព។ ដោយឡែកគុណភាពនៃផលិតផលមានស្តង់ដាអនាម័យផ្តល់ឱកាសការងារដល់កម្មករបានច្រើននិងផ្តល់កម្រៃដល់បុគ្គលិកបានសមរម្យ ព្រមទាំងមានការអនុគ្រោះ និងលើកទឹកចិត្តដល់កម្មករព្រមទាំងមានការចូលរួមនៅក្នុង ការងារសង្គមជាច្រើនផងដែរ។

លោកជំទាវ ឧកញ៉ា កែវ​ មុំ បានមានប្រសាសន៍បញ្ជាក់ចំពោះមោទនភាពជោគជ័យដែលទទួលបានមកដល់បច្ចុប្បន្ននេះគឺពេញចិត្តមែនទែនទោះបីជាយើងថាគោលដៅ យើងដើរមិនទាន់ដល់អ្វីដែលយើងចង់បានក៏ដោយតែយើងពេញចិត្តនិងអ្វីដែលយើងសម្រេចបានពេញចិត្តដែលយើងធ្វើបានមកដល់បច្ចុប្បន្ន គឺជាជោគជ័យរបស់ក្រុមហ៊ុន និងជាមោទនភាពដ៏ធំធេងដោយបានអភិវឌ្ឍខ្លួនឯងឱ្យក្លាយជាសហគ្រិនស្ត្រីជោគជ័យម្នាក់។ ជោគជ័យនេះគឺដោយសារមានការទទួលស្គាល់ទាំងថ្នាក់ជាតិនិងអន្តរជាតិវាគឺជាមោទនភាពមួយដ៏ធំរបស់យើងហើយមិនត្រឹមតែពេញចិត្ត ខ្លួនឯងនោះទេ សូម្បីក្រុមគ្រួសារនិងបងប្អូនក៏មានភាពរីករាយនិងមានមោទណភាពជាមួយគ្នាផងដែរ។

ការចែករំលែកបទពិសោធន៍ជំនួញ និងសកម្មក្នុងការចូលរួមបេសកកម្មមនុស្សធម៌

«ញ៉ាំនំស្រួយ លី លី គឺដើម្បីសុខភាព» នេះជាពាក្យស្លោក ប្រចាំត្រកូលរបស់ក្រុមហ៊ុនផលិតនំស្រួយ លី លី។ ពាក្យស្លោកដែលក្រុមហ៊ុនផលិតនំស្រួយ លី​ លី បានប្រើនៅក្នុងការផ្សព្វផ្សាយពានិជ្ជកម្មត្រូវបាន លោកជំទាវ ឧកញ៉ា កែវ​ មុំ បញ្ជាក់ថា៖ បានជាក្រុមហ៊ុនប្រើប្រាស់ពាក្យស្លោកនេះ ពីព្រោះថាការញ៉ាំនំស្រួយ លី លី ច្រើនមិនធ្វើឱ្យយើងក្តៅ ពោលមិនប៉ះពាល់ដល់សុខភាពទេ​ ។

លោកជំទាវ ឧកញ៉ា កែវ​ មុំ ក៏បានលើកឡើងពីជោគជ័យនៅក្នុងការងារបើនិយាយពីជោគជ័យនិងបរាជ័យគឺហាក់ដូចជានៅជាប់ពីក្រោយប្រកិតៗគ្នា ដែលមកដល់បច្ចុប្បន្ននេះយើងមិនទាន់អាចនិយាថាជាជោគជ័យទាំងស្រុងនោះទេពីព្រោះមកទល់ពេលនេះយើងហាក់ដូចជា រកមិនទាន់ឃើញនូវជោគជ័យពិតប្រាកដនៅឡើយគឺប្រៀបដូចជាយើងធ្វើដំណើរតាមផ្លូវថ្នល់ដែលមានចរារចណ៍ណែនតាន់តាប់មិនដឹង ថាមានគ្រោះថ្នាក់ ឬអត់ ដូច្នេះយើងត្រូវប្រុងប្រយ័ត្នគ្រប់ពេលវេលាទាំអស់។ ទោះបីជាយើងដើរមកដល់ចំណុចនេះហើយក៏ដោយបើយើងអាចបង្កើតអាជីវកម្មកាន់តែលឿនគឺត្រូវតែមានការប្រុងប្រយ័ត្នកាន់តែខ្លាំងឡើង។

ការពេញចិត្តរបស់សហគ្រាសនំស្រួយលីលីដែលថាទទួលបានជោគជ័នាពេលបច្ចុប្បន្ននេះគឺមិនទាន់អាចថាត្រឹមកម្រិតណានោះទេ គ្រាន់តែលថាយើងមានមោទនភាពដែលយើងអាចផលិតបាននូវផលិតផលដែលមានស្តង់ដាផ្នែកគុណភាពនិងអនាម័យដែលអាចធ្វើឱ្យ យើងអាចប្រកួតប្រជែងនៅក្នុងស្រុក និងនៅក្រៅស្រុកដែលរួមមានតំបន់អាស៊ាន និងតំបន់អឺរ៉ុបផងដែរ។

បច្ចុប្បន្នក្រុមហ៊ុនបាននាំចេញផលិតផលទៅសហរដ្ឋអាម៉េរិក, ចិន, កាណាដា, កូរ៉េខាងត្បូង, មីយ៉ាន់ម៉ា(ភូមា), អូស្ត្រាលី, ម៉ាឡេស៊ី, ថៃ, វៀតណាម, អ៊ីតាលី, និងជាមួយគ្នានេះដែលក្រុមហ៊ុន លី លី ក៏បានចូលរួមជួយក្នុង ការងារសង្គមដោយបានផ្តល់ថវិកា និងសម្ភាៈជាច្រើនដល់មជ្ឈមណ្ឌលផ្សេងៗទៀត ដូចជាមណ្ឌលកុមារកំព្រា និងវត្តអារាម មិនត្រឹមតែប៉ុណ្ណោះក្រុមហ៊ុនក៏បានជួយដល់ជនរងគ្រោះដោយទឹកជំនន់ ភ្លើងឆេះផ្ទះ និងអ្នកទីទ័លក្រ ដែលក្នុងនោះនៅឆ្នាំ២០០៩ ក្រុមហ៊ុនបានផ្តល់ស្បៀងអាហារ និងថវិកាជូនជនរងគ្រោះដោយសារ អគ្គិភ័យចំនួន ៨០ គ្រួសារនៅក្នុងសង្កាត់ទឹកថ្លា ខណ្ឌសែនសុខ រាជធានីភ្នំពេញ។ ឆ្នាំ២០១១ បានជួយជនរងគ្រោះដោយទឹកជំនន់ ១០០ គ្រួសារនៅអ្នកលឿង ខេត្តព្រៃវែង។ ក្រៅពីនោះ ក្រុមហ៊ុនផលិតនំស្រួយ លី លី ក៏បានជួយឧបត្ថម្ភដល់អង្គការ កុមារកំព្រាផ្ទះជ័យ ក្នុង ១ខែ ១លានរៀលនិងនំចំនួន ២បេ ហើយជាបន្តក្រុមហ៊ុននិងបរិច្ចាគតាមលទ្ធភាពរបស់ក្រុមហ៊ុន។

លោកជំទាវ ឧកញ៉ា កែវ​ មុំ ក៏បានឱ្យដឹងដែរថាជោគជ័យដែលយើងទទួលបានគឺចាប់ផ្តើមពីដំបូងជាអាជីវកម្មខ្នាតតូច ដែលមានមជ្ឈមណ្ឌលផលិតភាពជាតិនៃក្រសួងរ៉ែនិងថាមពលបានជួយ សហការបណ្តុះបណ្តាលស្វែងរកជំនួយផ្សេងៗ ពីអង្គការ APO UNIDO និង JICA ជាដើមដោយគេបានណែនាំឱ្យផលិតផលយើងផលិតតាមស្តង់ដាអនាម័យមានការជួយពីក្រសួងពាណិជ្ជកម្មផងដែរដោយជំរុញឱ្យមាន ការដាក់តាំងផលិតផលនំស្រួយ លី លី នៅតាមបណ្តាប្រទេសផ្សេងៗ ដើម្បីឱ្យគេទទួលស្គល់នូវផលិតផលរបស់យើង។ ដោយសារទទួលបាននូវជោគជ័យនេះយើងតែងតែបានចែករំលែកបទពិសោធន៍ទាំងឡាយទៅដល់សហគ្រាសមួយចំនួន ពោលគឺមិនត្រឹមតែសហគ្រាសក្នុងស្រុកទេ គឺថែមទាំងផ្តល់ដល់សហគ្រិនក្នុង តំបន់នៃបណ្តាប្រទេសអាស៊ានផងដែរ។ មិនតែប៉ុណ្ណោះយើងក៏បានផ្តល់ឱកាសដល់និស្សិតចំនួនប្រមាណជាង ១៥១ នាក់ និង​បរទេសចំនួន៣ប្រទេស រួមមាន ប្រទេសហូឡង់ ជប៉ុន និងប្រទេសបារាំងមកធ្វើកម្មសិក្សានិងសរសេរនិក្ខេបបទនៅក្នុងក្រុមហ៊ុនផងដែរ។

បញ្ហានិងឧបសគ្គជាស្ពានចម្លងទៅរកភាពជោគជ័យ

ទោះបីជាទទួលបានជោគជ័យធ្វើឱ្យក្រុមហ៊ុនមានដំណើរការល្អកន្លងមកក្តីក៏ លោកជំទាវ ឧកញ៉ា កែវ​ មុំ ម្ចាស់ក្រុមហ៊ុនវ័យ ៤៣ឆ្នាំរូបនេះបានបញ្ជាក់ការបង្កើតអាជីវកម្មផ្ទាល់ខ្លួនដំបូងបានជួបនូវការលំបាកខ្លះៗ ដែរទាំងចំណេះដឹងជំនាញលើការផលិត និងបញ្ហាទីផ្សារសុទ្ធតែជាបញ្ហាដែលត្រូវដោះស្រាយ។

លោកជំទាវ ឧកញ៉ា កែវ​ មុំ បានថ្លែងថាអតិថិជនច្រើនឱ្យតម្លៃទៅលើផលិតផលនាំចូលពីបរទេស។ ចំណែកឯផលិតផលដែលនៅស្រុកខ្មែរគេមិនសូវឱ្យតម្លៃប៉ុន្មានទេអ្នកលក់មិនចង់ទទួលយករបស់ដែលផលិតនៅក្នុងស្រុកទៅលក់ទេ។ យើងដើរទៅអង្វរគាត់ ដើរទៅបង្ហាញប្រាប់គាត់ ពន្យល់គាត់ពីគុណភាពផលិតផលរបស់យើង សព្វបែបយ៉ាង ដើម្បីឱ្យគាត់ទទួលស្គាល់។ ម្យ៉ាងវិញទៀតក្នុងនាមជាសហគ្រិនស្ត្រី ការគ្រប់គ្រងនិងដឹកនាំបុរសក៏ជាបញ្ហាមួយដែរ(បុរសជាកម្មករ) ព្រោះគាត់ពុំសូវជាស្តាប់យើងប៉ុន្មានទេ។ ប៉ុន្តែការព្យាយាមនិងការធ្វើឱ្យចេញជាលទ្ធផលទៅទើបបានគាត់មានការគោរព។ ដូច្នេះសហគ្រិនស្ត្រីគ្រប់រូបត្រូវតែជម្នះរាល់ឧបសគ្គទាំងឡាយដែលខ្លួនជួបប្រទះត្រូវគិតថាបញ្ហានិងឧបសគ្គជាឈ្នាន់មួយសម្រាប់ឆ្ពោះទៅរក ជោគជ័យដោយមិនត្រូវខ្លាចរអានៅពេលដែលយើងជួបបញ្ហា។

សហគ្រិនស្ត្រីកម្ពុជារូបនេះក៏បានប្រាប់ដែរថា៖  មុននឹងដើរដល់ពេលបច្ចុប្បន្ននេះ​ ក្រុមហ៊ុនបានជួបនូវឧបសគ្គជាច្រើន ប៉ុនែ្តនៅពេលដែលយើងជួបប្រទះនូវឧបសគ្គទាំងឡាយ គឺយើងមិនត្រូវចុះចាញ់ឡើយ។ យើងត្រូវគិតថាឧបសគ្គនិងបរាជ័យដែល យើងជួបប្រទះជាមេរៀន ហើយវានិងបង្ហាត់បង្រៀនយើងឱ្យឆ្ពោះទៅរក ជោគជ័យបាន។ បើសិនជាយើងមិនដែលជួបប្រទះនូវបញ្ហាក្នុងពេលចាប់ផ្តើមដំបូងទេលុះដល់ពេលដែលយើងធំធាត់ហើយទើបជួបនឹងបញ្ហាយើងនឹងទទូលរង នូវបរាជ័យធ្ងន់ធ្ងរ។ ដូច្នេះយើងត្រូវតែហ៊ានប្រឈមដូចជាយើងរៀនជិះកង់ដំបូងពេលនៅកុមារភាពអីចឹងដែរគឺតែងតែមានការដួលនិងការប៉ះទង្គិចធ្វើឱ្យយើង របួសរលាត់ដៃជើងរបួសស្នាមតិចតួចតែបើយើងដួលហើយ យើងឈប់រៀនជិះកង់នោះ យើងមិនអាចចេះជិះកង់នោះទេ។ក្រោយពេលសមាហរណកម្មសេដ្ឋកិច្ចអាស៊ានសហគ្រាសស្លាប់រសលើសមត្ថភាពនិងស្តង់ដាពាក់ព័ន្ធនឹងការត្រៀមខ្លួនដើម្បីឈានជើងទៅ ក្នុងសមាហរណកម្មអាស៊ាននាពេលខាងមុខ។

លោកជំទាវ ឧកញ៉ា កែវ​ មុំ បានមានប្រសាន៍ថា៖  និងមានការធ្វើសមាហរណកម្មសេដ្ឋកិច្ចអាស៊ាន ដូច្នេះការចូលទៅក្នុងសមាហរណកម្មអាស៊ាននោះនិងមានការបើកចំហនូវរបាំងពន្ធគយមានលំហូរចូលនូវទំនិញជាច្រើនពីប្រទេស អាស៊ានដែលធ្វើឱ្យការផលិតនូវទំនិញទាំងឡាយត្រូវតែមានការប្រកួតប្រជែងគ្នា។ ដូច្នេះបើយើងមិនខិតខំប្រឹងប្រែងបង្កើននូវការផលិតរបស់យើងទាំងបរិមាណនិងគុណភាពដើម្បីអាចនាំចេញទៅកាន់ប្រទេសអាស៊ានផងដែរ។

បើយើងមិនអាចផលិតនិងផ្គត់ផ្គង់ផលិតផលិតផលឱ្យបានទូលំទូលាយទេនោះវាជាការលំបាកមួយនៅពេលខាងមុខពីព្រោះផលិតផលរបស់យើង នៅមានទ្រង់ទ្រាយតូចនៅឡើយនៅពេលមានទំនិញគេចូលមកវានឹងគ្របដណ្តប់ឬគេអាចដណ្តើមទីផ្សារលើយើងអស់បន្ទាប់មកនោះ យើងអាចប្រឈមនឹងហានិភ័យឬទទួលរងនូវការដួលរលំ ឬក៏ក្ស័យធនតែម្តង។ ដូច្នេះយើងត្រូវតែលខិតខំពង្រីកសង្វាក់ផលិតកម្ម សម្រាប់ប្រទេសអាស៊ានទើក្រុមហ៊ុនយើងអាចឈរជើងបាន។ ការឈរជើងបានក្នុងភាពរឹងមាំរបស់យើងគឺការដែលយើងមានជំនឿខ្លាំងហ៊ានដាក់ទុនពង្រីកសង្វាក់ផលិតកម្មពីព្រោះប្រទេសខ្មែរយើង មានគ្រាប់ពូជអង្ករល្អជាវត្ថុធាតុដើម។ អង្ករដែលល្អដូចជាអង្ករផ្កាម្លិះនឹងអង្កររំដួលអាចយកមកផលិតជានំស្រួយដែលមានគុណភាពនិងមានឱជារសឆ្នាញ់ជាងផលិតផលដទៃដែរជា លទ្ធភាពក្នុងការប្រកួតប្រជែងជាមួយផលិតផលរបស់គេនិង អាចធ្វើការវិនិយោគទៅក្រៅស្រុកថែមទៀត។

ដើម្បីឈានទៅកាន់ជោគជ័យក្នុងការប្រឡូកនិងការធ្វើ សមាហរណកម្មអាស៊ាននាពេលខាងមុខ លោកជំទាវ ឧកញ៉ា កែវ​ មុំ ក៏បានផ្តល់គំនិតដល់សហគ្រិនក្នុងស្រុងដោយបានគូសបញ្ជាក់ថាសហគ្រិនទាំងឡាយត្រូវតែផ្តោតទៅលើការពង្រឹងនូវសមត្ថភាពរបស់ខ្លួន និងពង្រឹងនូវផលិតផលរបស់យើងឱ្យមានគុណភាពស្តង់ដាអនាម័យទើបយើងអាចឈរជើងប្រកួតប្រជែងក្នុងសមាហរណកម្មអាស៊ាននេះបាន។

ប្រសិនបើយើងមិនបានគិតគូរដល់ការពង្រឹងសមត្ថភាពរបស់យើងទេនៅពេលដែលសមាហរណកម្មសមាគមអាស៊ានចូលមកដល់នោះ ផលិតផលរបស់យើងមិនអាចប្រកួតប្រជែងនិងគេបានទេពីព្រោះផលិតផលគេមានគុណភាពខ្ពស់ជាងសម្រាប់អ្នកប្រើប្រាស់វិញនៅពេលដែល មានជម្រើសច្រើន គឺគាត់ត្រូវការជ្រើសរើសហើយ។ បច្ចុប្បន្នអ្នកប្រើប្រាស់ត្រូវតែធ្វើការជ្រើសរើសផលិតផលចំណីអាហារដែលមានស្តង់ដាអនាម័យការពីមុនអ្វីដែលគាត់ប្រើប្រាស់កន្លងមកគឺមកពី គាត់គ្មានជម្រើសគាត់ចេះតែទិញប្រើប្រាស់ឱ្យតែបាន បើមានជម្រើសគាត់ពិតជានិងធ្វើការជ្រើសរើសយកនូវទំនិញដែលមាន គុណភាព ស្តង់ដា និងអនាម័យ  ដូច្នេះសហគ្រាសទាំងឡាយត្រូវតែផ្តោតមែនទែនទៅលើបញ្ហានេះ។

ក្នុងពេលបច្ចុប្បន្នសហគ្រាសយើងក៏បានផ្តោតខ្លាំងទៅលើបញ្ហាគុណភាព ស្តង់ដា និងអនាម័យ ដើម្បីធ្វើឱ្យផលិតផលយើងមានស្តង់ដានិងមិនចាញ់ផលិតផលបរទេស។  ទន្ទឹមនិងនេះផងដែរលោកជំទាវ ឧកញ៉ា កែវ​ មុំ នាយិកាក្រុមហ៊ុន លី លី ក៏បានអំពាវនាវឱ្យប្រជាពលរដ្ឋខ្មែរជួយគាំទ្រ និង ប្រើប្រាស់នូវផលិតផលរបស់ខ្មែរឱ្យបានច្រើន ទើបសហគ្រាសក្នុងស្រុកអាចដំណើរការបានយ៉ាងរលូន និងជួយអភិវឌ្ឍសង្គមគ្រួសារ និងសង្គមជាតិយើងឱ្យមានការអភិវឌ្ឍន៍ និងរីកចង្រើនបានឆាប់រហ័ស៕

The Lyly team having a day of fun after their hard work made the company’s snacks household names in Cambodia.

The Lyly team having a day of fun after their hard work made the company’s snacks household names in Cambodia.

Source by: http://www.apo-tokyo.org/people/success_stories/more-than-a-snack-sized-success/